اختبار GRE

[hana]

السلام عليكم
عندي سؤال بخصوص اختبار GRE، هل الحصول على درجة عالية في اختبار GRE مهم للحصول على القبول في الجامعات الامريكية أو فقط Teofl، حاولت أمتحن GRE مرتين وأخذت دورة غير الكتب والامتحانات من الانترنت و مع هذا ما قدرت احصل على درجة زينة على الرغم انه مستواي دايما كان ممتاز في الرياضيات بس ما الحق في الامتحان الاسئلة مو سهلة وبنفس الوقت مافي وقت نفكر والانجليزي الكلمات اللي فيه اختي مترجمة انجليزي تقول اذا خذت الامتحان يمكن ما اتجيب درجة زينة فيه، مع العلم انه مستواي بالانجليزي ممتاز جدا وتعاملي بالشغل اغلبه بالانجليزي وسبق لي أن حضرت دورات فنيه في مجال عملي بامريكا وما واجهت مشاكل باللغة، قمت اشك بنفسي وحاسة بالاحباط بسبب هذا الامتحان ، بس أنا من فترة كلمني واحد يدرس دكتوراه بامريكا وقالي أنه مو شرط درجة عاليه لانه المسأله تجاريه بحته والجامعات عارفة هالشي و انه هالاختبار مو مقياسل لمستواي ، بس لما ادش الانترنت في اغلب المنتديات الخاصة بدارسة الدكتوراه يتكلمون عن الامتحان وانه مهم، الوقت قاعد يمر واذا ابي اخذه مرة ثالثة لازم اخذه هالشهر علشان الحق ادز الدرجات حق الجامعات علشان القبول.

افيدوني وريحوني اهو مهم ولا لأ؟ واشلون اقدر احصل على درجة زينه؟

مع الشكر

[abd]

IMHO, A high GRE score is very important for Americans to get into a university but not for Kuwaitis with scholarships .
Since you are planning to enter either engineering, science or medical schools then I recommend you focus on the math score of GRE and as long as you get above 50-60 percentile you should be fine.
GRE english is very hard, dont waste time on it, just focus on getting a high TOEFL score thats what they will be looking at.

Wishing you good luck. Bil tewfeeg inshallah !

[hana]

درجتي حاليا في Math أقل من 50% وايد، لكن بالنسبة للtoefl درجتي 96 وفي اكثر من جامعة طالبين درجات أقل منها ما عندي مشكلة بالتوفل ، بس مشكلتي مع GRE انا خايفة اعيده وما احصل درجة زينه وتكون أسوأ من درجتي الحالية، انا مستواي بالرياضيات كان دائما ممتاز سواء بالثانوية والجامعة بعد ، وخذيت دورة GRE علشان استرجع المعلومات وعندي كتب و حليت امتحانات ، بس طريقة الامتحان وقصر الوقت تخلي الواحد يغلط ، هذا غير انه الامتحان مو مثل التوفل يحتوي على اسئلة سهلة - متوسطة وصعبة على اساس الناس من كل المستويات تقدر تحل اسئلته، هذا اذا جاوبت سؤال سهل يحطلك اللي بعده اصعب واذا غلطت بصعب يعطيك اللي بعده سؤال اسهل ودرجة الجواب السهل أقل من درجة السؤال الصعب ، غير مشكلة الوقت اللي مايكفي تخلص كل الاسئلة. انا راي انه هاالامتحان مو مقياس انه الشخص اللي يجتازه يقدر يكمل او مايكمل في الدراسات العليا والموضوع مجرد تنفيع تجاري بس شنسوي الله يجازي اللي كان السبب.

أنا بس أبي نصيحة شنو اسوي علشان احصل درجة زينة في GRE غير الدورة والكتب و الامتحانات؟ واذا ما قدرت احصل درجة زينة قبل موعد انتهاء فترة التسجيل للقبول للكورس الاول شنو تنصحوني شسوي؟